BILBO, 16 (EUROPA PRESS)
Euskal Autonomia Erkidegoko (EAE) 729.095 hiritarrek osatu dute dagoeneko covid-19 gaitzaren aurkako txertaketa prozesua, horretarako beharrezko dosiak jasota, Eusko Jaurlaritzako Osasun Sailak asteazken honetan jakinarazi duenez.
Hain zuzen, Euskadiko osasun agintaritzak 1.863.630 txerto dosi jaso ditu kanpaina hasi zenetik (1.261.080 Pfizer, 179.400 Moderna, 356.900 AstraZeneca eta 66.250 Janssen), eta 1.726.918 eman dira, hau da, jasotakoen %92,7.
Emandako txerto guztietatik 641.197 bigarren dosiak izan dira, eta 87.898 dosi bakarreko txertoak. Modu honetan, orotara, EAEko 729.095 hiritarrek osatu dute txertaketa prozesua.
Oro har, Osasun Sailak asteazken honetan eguneratu duen txertaketa buletinaren arabera, 1.202.730 Pfizer dosi (jasotakoen %95,4), 179.400 Moderna dosi (%100), 279.558 AstraZeneca dosi (%78,3) eta 63.119 Janssen dosi (%95,3) eman dira orain arte.
Adinaren arabera, txertoaren lehen dosia jaso dute EAEko 80 urtetik gorako hiritar guztiek, 70-79 urtekoen %97,3k, 60-69 urtekoen %93,8k, 50-59 urtekoen %87,1ek, 40-49 urtekoen %30,0k, 30-39 urtekoen %15,1ek, 20-29 urtekoen %14,4k eta eta 16-19 urtekoen %3,3k.
Bigarren dosia jaso duten pertsonen tasa %99,1 da 100 urtetik gorakoen artean, eta 90-99 urtekoen artean %99,7. Gainera, 80-89 urtekoen %99,5ek, 70-79 urtekoen %96,6k, 60-69 urtekoen %34,5ek, 50-59 urtekoen %50,9k, 40-49 urtekoen %15,1ek, 30-39 urtekoen %12,3k, 20-29 urtekoen %10,7k eta 16-19 urtekoen %1,6k jaso dute bigarren dosia.
