BILBO, 31 (EUROPA PRESS)
Enplegua aldi baterako erregulatzeko 20.151 espediente aurkeztu dituzte astearte honetara arte Euskal Autonomia Erkidegoko (EAE) enpresek, Covid-19 koronabirusak eragindako egoera dela eta. Espediente horiek guztiek 139.220 langileri eragiten diete, hau da, astelehenean baino 6.502 gehiagori, Lan Zuzendaritzak sindikatuei eta patronalari emandako eta Europa Press berri agentziak jasotako informazioaren arabera.
Lurralde bakoitzari dagokionez, Araban 2.886 espediente aurkeztu dira eta 28.347 langileri eragiten diete; Bizkaian 66.687 langile daude aurkezturiko 10.503 espedienteen eraginpean, eta Gipuzkoako enpresek 6.762 espediente hasi dituzte, 44.186 langileri eragiten dietenak.
Modu honetan, koronabirusak euren jardueran izan duen eragina kontuan izanda, EAEko enpresek enplegua aldi baterako erregulatzeko egiten dituzten espedienteak eta horien eraginpeko langileak gero eta gehiago dira, egunez egun; astearte honetan, astelehenean baino 1.401 espediente eta 6.502 langile gehiago, hain zuzen. Gainera, espedienteak hasi dituzten enpresa guztien langileen %84ri eragiten die neurriak.
