BILBO, 1 Mar. (EUROPA PRESS) -
BilbaoEszena Bilboko Udaleko Kultura eta Hezkuntza Sailaren esku dagoen Bilboko Baliabide Eszenikoen Zentroak "Show Gela" izeneko egitarauaren denboraldi berria inauguratu zuen 2009ko azken hiruhilekoan. Egitarau horren bitartez, ikus-entzuleek zenbait arte alorretako sormen prozesuetara hurbiltzeko aukera dute. "Show Gela" ekimena hilabete bakoitzeko lehen ostegunean egiten da, 20:00etatik 23:00etara, BilbaoEszenaren instalazioetan, eta hurrengo gaueko jaialdi-festa ostegun honetan izango da.
Antolatzaileek adierazi dutenez, osteguneko saioa, "Cuerpos en movimiento" izenburuarekin, dantzari eta mugimenduari eskainiko zaio, hiru ikuspuntu desberdinen bitartez. "Show Gela" bakoitzak, euren lana erakusten duten hiru gonbidatu izan ohi ditu. Gehienetan, ohiko erakusketa-zirkuituetan erraz aurkitzen ez diren abangoardiako proposamen esperimentalak izaten dira. Oraingoan, Eneko Balerdi, Bego Crego eta Vicki Mujica artisten txanda izango da.
"'Show Gela', behatuz eta behatua izateaz gozatzeko gune libre eta sortzaile gisa dago planteatuta. Arte eszenikoen barruan, dantzan, antzerkian, ikus-entzunezkoetan, topaleku diren eta sormenezko elkar-elikadura gisa balio duten saioak dira", azaldu dute antolatzaileek.
