BILBO, 1 Mar. (EUROPA PRESS) -
Bilboko Arriaga Antzokiko urte honetako bigarren Dantza Ilbetea izango da ostiral honetan, antzokiak berak antolatuta. Dagoeneko salgai daude sarrerak, 5 euroko prezioan, agertokiko protagonistak herritarrak izango diren gauaz gozatzeko. Bildutako dirua Munduko Medikuak Euskadi GKEri emango zaio, Haitiko lurrikararen kaltetuentzat, antzoki bilbotarreko iturriek jakinarazi dutenez.
Urtarrilaren 28an hasi zen Dantza Ilbetean parte hartuko duten pertsonak hautatzeko prozesua. Horretarako jarri diren telefonoaren eta posta elektrikoaren bidez informazioa emateko 45 eskaera jaso dira, Bizkaia osoko eta Gasteiz, Palma, Zaragoza edo Madrilgo herritarren, dantza-taldeen eta dantza-akademien eskutik, ekimenean parte hartzeko interesa agertu baitute. Azkenean, 30 pertsona animatu dira castingean parte hartzeko.
Arriaga Antzokiko arte-zuzendari Emilio Sagik zuzendu hautaketa-prozesua. Prozesu horretan, ongi dantzatzea baino ez du eskatu. Batzuek antzokian bertan aurkeztu dute beren dantza-saioa; beste batzuek, berriz, DVD batean bidali dute grabatuta, edo interneteko esteka bat, haien saioaren bideoa ikusteko.
Emilio Sagik zuzenduko duen galan zehar estilo guztietako 20 dantza-saio egingo dira, besteak beste, flamenkoa, jazz dantza, electrodance, euskal dantzak, ballet klasikoa eta garaikidea edo tangoa.
Ostiral honetan banaka edo taldeka saioa aurkeztuko duten pertsonek aukera paregabea izango dute, jendaurrean, dantzatzeko dohainak erakusteko, lehen mailako agertoki batean, Arriaga Antzokian hain zuzen ere. Parte-hartzaileak ez dira profesionalak, adin eta baldintza guztietako pertsonak baizik, baina guztiek dantzarekiko pasioarekin.
Proposamenaren asmoa da antzokia datzazale guztiei irekitzea, salbuespenik gabe, ilbetea kulturaren bidez ospatzeko Bilbon, modu original eta parte-hartzaile batez. Aurrekoetan arrakasta handia izan du, parte-hartzaileei eta publikoari dagokienez.
Oraingoan, Ilbete gauak beste eragingarri bat du: urtarrilean, Haitiko uharte behartsua hondatu zuen eta herrialdea egoera humanitario katastrofikoa bihurtu duen lurrikararen kaltetuei laguntzea. Bildutako diru guztia Munduko Medikuak Euskadi GKEri emango zaio, lurrikararen kaltetuentzat. Sarreren prezio bakarra 5 eurokoa da, eta Arriagako Antzokiko leihatiletan, www.teatroarriaga.com web-orrian, 944 310 310 telefonoan eta BBKren orotarako kutxazainetan erosi daitezke.
