BILBO, 17 (EUROPA PRESS)
Euskal Autonomia Erkidegoko (EAE) egoiliarren hautesle erroldan erregistratuta dauden pertsonek igandeko Eusko Legebiltzarrerako hauteskundeetan posta bidez bozkatu ahal izateko epea ostegunean amaituko da, apirilaren 18an.
Hain zuzen, EAEn bizi diren eta boto modalitate hori eskatzea erabaki duten edota Espainiako Estatuan edo atzerrian aldi baterako bizi diren baina EAEko egoiliarren hautesle erroladan erregistratuta dauden pertsonak dira.
Bada, Eusko Jaurlaritzako iturriek jakitera eman dutenez, dokumentazio guztia jaso ondoren, pertsona horiek ostegunera arteko epea dute Correos erakundearen bulegoetara eramateko, balioko identifikazio ofizial bat aurkeztuta.
Bestalde, modu iraunkorrean atzerrian bizi diren eta atzerrian bizi diren egoiliarren hautesle erroldan inskribatuta dauden pertsonek ere ostegunera arte dute epea kontsuletxeetan instalatuta dauden hautetsontzietan bozkatzeko.
