BILBO, 22 Jul. (EUROPA PRESS) -
Getxoko Udalak (Bizkaia) Aiboako metro geltokiko igogailua itxiko du asteazkenean, uztailaren 24an, 07:30etik 14:30era bitartean, gutxi gorabehera, prebentziozko mantentze lanak direla medio. Zehazki, Txakursolo kalea geltokiarekin lotzen duen zerbitzua itxiko du.
Zerbitzua ahal bezain laster jarriko da berriro martxan, aldez aurretik abisatu gabe. Igogailu publikoen zerbitzua aldian behin berrikusten da, mantenurako prebentzio plan baten harira. Plan horren helburua da instalazioetan funtsezkoak diren piezen higadurak eragindako kalteak gutxitzea.
Getxoko Udalak barkamena eskatu die herritarrei oro har eta Aiboako igogailuko erabiltzeei bereziki, igogailuaren zerbitzuak ixteak eragin ditzakeen eragozpenengatik.
