BILBO, 24 Ene. (EUROPA PRESS) -
Ertzaintzako agenteek 28 urteko gizonezko bat atxilotu zuten ostegunean, Bilbon, indarra erabiliz lapurreta egitea leporatuta, lapurtzeko asmoz ostikoka bulego batzuetan sartzen saiatzen ari zenean. Abando auzoko higiezin bateko bizilagun batek deitu zuen Ertzaintzara, gizonezko bat ezkutatu nahian ikusi zuenean.
Segurtasun Sailak jakinarazi duenez, ostegun arratsaldeko 16:30 aldera gertatu zen dena Bilboko Abando auzoan. Bizilagun batek deitu zuen Ertzaintzara etxeko atalondoan gizonezko bat aurpegia estalita eta igogailu begian ezkutatu nahian ikusi zuela esanez. Berehala hurbildu zen bertara patruila bat, eta agenteek, higiezinera sartu zirenean, zaratak entzun zituzten lehenengo pisuan. Bertan aurkitu zuten ustezko lapurra bulego batzuetako atea ostikoka zabaldu nahian. Susmagarria identifikatu ondoren, atxilotu egin zuten indarra erabiliz lapurreta egitea leporatuta.
Atxilotua 28 urte gizonezko bat da, eta polizia historia luzea du antzeko egintzengatik. Ertzaintzako egoitzara eraman zuten, eta orain epailearengana eraman zain dago.
