BILBO, 2 (EUROPA PRESS)
Guggenheim Bilbao Museoa zabalik egongo da Datorren astelehenean, abenduaren 5ean, jai egunaren bezpera izanik, nahi duten guztiek hurbiltzeko aukera izan dezaten. Museoa normalean itxita egoten da astelehenetan.
Gainera, museoko arduradunek jakinarazi dutenez, ordutegia 10:00etatik 18:00etara izango da larunbat honetatik abenduaren 11ra bitarte, hau da, ordubete lehenago itxiko da, 'Immersions' jardueraren programazioa dela eta, bere 25. urteurrenaren ospakizunen barruan.
Museora hurbiltzen diren bisitariek ikusgai izango dute 'Sekzioak/Intersekzioak. Guggenheim Bilbao Museoaren Bildumak 25 urte' erakusketa. Bertan, museoa sortu zenetik gaur arte osatzen aritu den bildumaren ikuspegi panoramiko bat eskaintzen du, bere historian lehen aldiz areto guztiak osorik artuta. Taldeko erakusketa handiaren gaikako ardatz nagusiak dira hirugarren solairuan 'Historiaren mugarriak', bigarrenean 'Narratibagintza' eta lehen solairuan 'Bizitza materiala'.
