DONOSTIA, 16 Ago. (EUROPA PRESS) -
Eusko Jaurlaritzaren esku dagoen Euskotren sozietate publikoak Hendaian duen tren geltokia itxita egongo da abuztuaren 18tik 26ra bitartean, Biarritzen egun horietan ospatuko den G7 goi bileragatik.
Bestalde, Euskotrenetik aditzera eman dute linea horren helmuga Iruneko Ficoba geltokian izango dela, nahiz eta Iruneko Colon estaziora doan maiztasuna izan, hau da 15 minutukoa lanegunetan eta 30ekoa larunbat, igande eta jaiegunetan.
Informazio gehiago behar duten erabiltzaileek Euskotrenen 944 333 333 zenbakira deitu dezakete. Horrez gain, informazioa jaso dezakete geltokietan eta geralekuetan, konpainiaren www.euskotren.eus webgunean, Euskotreneko app ofizialean, eta @euskotrenEJGV Twitter profilean.
