BILBO, 17 Oct. (EUROPA PRESS) -
Nicanor Ursua Lezaun Euskal Herriko Unibertsitateko (EHU) irakasle emeritua 'Honoris Causa' doktore izendatu du Mexikoko Cuernavaca hiriko El Colegio de Morelos ikastetxeak, zentroarekin batera egiten ari den lankidetza akademiko zabalagatik eta Mexikon elkarrekin egindako hainbat argitalpenengatik. Izendapena jasotzeko ekitaldian, Ursua '¿Colapso del diálogo/debate frente a la revolución digital?' galderaren inguruan aritu da, EHUko iturriek jakinarazi dutenez.
Nicanor Ursua Lezaun (Etayo, Nafarroa) Filosofian doktorea da Municheko Unibertsitatean (Alemania) eta Madrilgo Unibertsitate Konplutentsean. Aradeko (Errumania) Aurel Vlaicu Unibertsitateko 'Honoris Causa' Doktorea, Santo Domingoko Unibertsitate Autonomoko (Dominikar Errepublika) ohorezko irakaslea eta Cesar Vallejo Unibertsitateko (Peru) irakasle bisitaria izan zen.
Argitalpen ugari plazaratu ditu, eta une honetan Euskal Herriko Unibertsitateko irakasle emeritua eta 'Revista Internacional de los Estudios Vascos / International Journal on Basque Studies' aldizkariaren zuzendaria da.
