BILBO, 16 (EUROPA PRESS)
Web orria duten Euskal Autonomia Erkidegoko (EAE) hamar langile edo gehiagoko enpresen %50,4 euskaraz ere badu. Portzentajea %61,7ra heltzen da Gipuzkoan, batez beste, %46ra Bizkaian eta %39,1era Araban, Eustat Estatistikaren Euskal Erakundearen datuen arabera.
Eskualdeei dagokienez, Gipuzkoako Debagoienak dauka portzentajerik altuena, %77,3koa, eta gainerako eskualdeetan %55ekoa da, batez beste. Bizkaian, Gernika-Bermeo (%71,9) eta Markina-Ondarroa (%70,8) nabarmentzen dira, eta Araban, Mendialdea (%50,8).
Hiriburuetan Donostia aurrena da, "nabarmen", merkataritza elektronikoan eta euskarazko web orrietan. Halere, hamar langile edo gehiagoko enpresetan IKT ekipamenduen portzentajeak "oso antzekoak" dira Bilbo, Donostia eta Gasteizen.