DONOSTIA, 11 Oct. (EUROPA PRESS) -
Telesforo Monzon laborategiko Txillardegi Gogoeta Guneak, Jakin Fundazioak eta Udako Euskal Unibertsitateak (UEU) 'XXI. menderako hizkuntza politikaz' jardunaldia aurkeztuko dute ostegunean, urriaren 13an, Donostiako Koldo Mitxelena kulturunean.
Antolakuntzako iturriek azaldu dutenez, euskararen egungo normalizazio ereduak "goia jo duen zantzuak nabari dira" hizkuntza zeharkatzen duten arlo gehienetan, hala nola hezkuntzan, helduen euskalduntzean edo erakunde publikoen normalizazio prozesuetan, lan munduaren euskalduntzean, kultur transmisioan edota esparru komunikatiboan, eta horrek guztiak "eragin zuzena" dauka euskararen transmisioan eta biziraupenean, kale erabilera datuek adierazten duten bezala.
Eraldaketa horiek guztiak kontuan izanik, jardunaldiaren antolatzaileek uste dute "gogoeta sakon bat" egitea ezinbestekoa dela, euskararen normalizazioa helburu. Horrela, Telesforo Monzon laborategiko Txillardegi Gogoeta Guneak, Jakin-ek eta UEUk 'XXI. menderako hizkuntza politikaz' jardunaldia antolatu dute elkarlanean, Eibarren.
Ostegunean aurkeztu dute publikoki Donostiako Koldo Mitxelena kulturunean, 11:00etan, eta Kepa Sarasola UEUko zuzendariak, Lorea Agirre Jakin-eko zuzendariak eta Urko Aiartza Telesforo Monzon Elabeko zuzendariak parte hartuko dute agerraldian.
