BILBO, 10 Jul. (EUROPA PRESS) -
Bizkaiko Batzar Nagusien esku dagoen Enkarterriko Museoak eta Zallako Udalak lankidetzarako proiektua hasiko dute larunbatean, uztailaren 11n, udalerriko ondare arkitektoniko garaikidea ezagutarazteko bisita gidatuekin. Gorka Perez de la Peña idazlea izango da bisitak gidatuko dituena.
Antolatzaileek azaldu dutenez, lehen irteeran, La Herrera-Ijalde inguruko altxor arkitektonikoak jarriko ditu balioan Portugaleteko idazleak bi ordu eta erdi inguru iraungo dituen ibilbidean, 10:00etan hasita.
Hitzordura joateko beharrezkoa izango da aurretik museoaren webgunean izena ematea: www.enkarterrimuseoa.eus. Gehienez 30 pertsonek hartu ahal izango dute parte bisitan, eta maskara eramatea derrigorezkoa izango da.
Gainerako bost ibilbideek oraindik ez daukate data zehatzik, baina antolatzaileek aditzera eman dutenez, Mimetiz, Gallardi-Llantada eta Aranguren inguruetan, La Papelera lantegian eta Sollanoko ur araztegian barrena izango dira.
