A CORUÑA, 22 Abr. (EUROPA PRESS) -
O presidente de Vox, Santiago Abascal, apelou a "rescatar" nestes comicios a todas aquelas persoas "que queren unha España máis unida" para o que fixo un chamamento a encher o día 28 as urnas de 'rojigualdo', en alusión ás cores da bandeira española.
Nun mitin no Pazo de Congresos e Exposicións da Coruña (Palexco), ante unhas 1.500 persoas, argumentou que o PSOE é "o inimigo".
"Nin obreiro nin español", expuxo nunha intervención con críticas á "derechita covarde" do PP, ao "catavento laranxa" de Cs, ao "comunismo chavista" de Podemos e aos independentistas.
Fronte a iso, defendeu o "proxecto patriótico" de Vox, un partido que asegurou busca "ocupar o espazo dos que queren unha España enteira", sinalou en alusión ao intento secesionista en Cataluña.
"Vox é un movemento patriótico ao servizo da unidade dos españois e un partido que conectou co sentido común". "Porque de sentido común é defender a nosa patria", engadiu.
