LUGO, 31 Jul. (EUROPA PRESS) -
O alcalde de Mondoñedo, Orlando González, reunirase este venres en Lugo co xefe da Demarcación de Estradas do Estado en Galicia, Ángel González del Río, para pedirlle información sobre as medidas de seguridade que o Ministerio de Fomento prevé implementar na autovía A-8, no tramo que comprende entre Abadín e o seu municipio.
Despois do accidente acontecido o pasado sábado, no que faleceu unha muller de 37 anos e resultaron feridas outras 40 persoas, o rexedor nacionalista propuxo que se peche a autovía cando haxa néboa ou vento. "Aínda que é certo que é unha situación que se produce moi a miúdo", comentou.
Así mesmo, aproveitará o encontro para solicitar a Fomento, como fixo en anteriores ocasións, un proxecto de mellora da N-634, estrada pola que se está a desviar o tráfico esta semana cando se produciron os peches da autovía a causa da néboa.
Por outra banda, recoñeceu que houbo "atoamentos" esta semana nesa vía, se ben non aclarou o motivo, posto que cando non estaba en funcionamento a A-8, asegurou, "estes atoamentos non se producían, unicamente algo as fins de semana".
