A CORUÑA, 25 Jun. (EUROPA PRESS) -
Este mércores, 26 de xuño, o colectivo artístico compostelán Pataka, que este ano celebra o seu décimo aniversario, inaugurará unha exposición ás 20,00 horas na sede do Colexio Oficial de Médicos da Coruña.
Segundo informa a organización, a mostra está composta por obras pictóricas, escultóricas e téxtiles de diferentes estilos, "que van desde o abstracto ao figurativo", sinalaron.
As pezas están asinadas polos artistas Jorge Agra, Carita Dubrovin, Pilar Feás, José Manuel Méndez (Pitelos), Marian Paredes, Alfonso Rivero de Aguilar, Andreas Ruiz, Vicente Ruiz e Camilo Seira.
A exposición poderá visitarse de luns a venres en horario de 12,00 a 14,00 e de 17,00 a 20,00 horas, e os sábados entre as 12,00 e as 14,00. A entrada é libre e gratuíta.
