SANTIAGO DE COMPOSTELA, 4 May. (EUROPA PRESS) -
O BNG realizou este sábado unha caravana reivindicativa desde Lugo até Becerreá para demandar a mellora das infraestruturas viarias de titularidade estatal da provincia lucense ante a "falta de compromiso e de investimento" por parte do Goberno central.
En concreto, piden ao Ministerio de Transportes que leve a cabo as actuacións necesarias para mellorar o firme e mellorar a seguridade viaria na autovía A-6 e as estradas N-VIN, N-540, N-640 e N-120.
Este acto enmárcase na campaña dos nacionalistas 'Arranxo XA das nosas estradas' para reclamar o arranxo destas infraestruturas a través de iniciativas institucionais compasadas co apoio social.
"A A-6 e as N-VI, N-540, N-640 e N-120 son infraestruturas esenciais e estratéxicas para garantir o desenvolvemento social e económico das comarcas lucenses. Con todo, o estado actual deixa moito que desexar e mesmo diminúe a seguridade viaria en estradas polas que circulan diariamente centos de vehículos", denunciou o deputado do Bloque no Congreso, Néstor Rego.
Pola súa banda, o tenente de alcaldesa de Lugo, Rubén Arroxo, lembrou que as comarcas lucenses sofren "illamento con serios problemas de comunicación, tanto a nivel ferroviario como por estrada".
