OURENSE, 18 Jul. (EUROPA PRESS) -
Un dispositivo de procura trata de atopar a un home de 69 anos enfermo de alzehimer que falta do seu domicilio, situado na parroquia de Cardeu, en Verea (Ourense).
Segundo explicou a Europa Press a Garda Civil, o home, Manuel Cid Santás, desapareceu sobre as 19,00 horas da tarde do mércores.
Aínda que a familia aínda non formalizou a denuncia, ao tratarse dunha persona enferma de alzehimer, o instituto armado dá prioridade á súa procura, na que tamén participan veciños e efectivos de Protección Civil.
Polo momento, os labores céntranse nas inmediacións do domicilio do home, pero prevese que a zona de procura se vaia ampliando paulatinamente.
