SANTIAGO DE COMPOSTELA, 31 Oct. (EUROPA PRESS) -
As autoridades galegas notificaron este sábado a morte de catro persoas diagnosticadas con covid-19, que elevan a 914 as vítimas mortais ligadas á pandemia na Comunidade.
Galicia rompeu esta semana a barreira dos 900 falecementos de persoas diagnosticadas con covid-19. Foi o pasado xoves, cando ademais se computou a cifra máis alta de decesos comunicados nunha mesma xornada desde que empezou a segunda pandemia, cun total de 13.
A primeira morte computada na Comunidade na denominada 'nova normalidade' foi a dunha muller o 7 de agosto. Antes diso, Galicia encadeara case dous meses --desde o 10 de xuño-- sen decesos relacionados co coronavirus.