SANTIAGO DE COMPOSTELA, 20 Abr. (EUROPA PRESS) -
Ciudadanos cualificou de "intolerable" a presenza de feces en plena rúa ao paso dunha procesión en Santiago de Compostela este Venres Santo.
A formación laranxa lamentou que "non se respecten" as tradicións, "xa que son moitas as persoas que participan nestes actos". Tamén criticou que suceda nun municipio como Santiago, "que ademais é Cidade Cultural de referencia para Europa e o mundo".
Así, lembrou que son miles os turistas que cada ano visitan a capital galega e a presenza de feces en plena rúa "non é a mellor imaxe que se poida dar de cara ao exterior, independentemente das crenzas de cada un". Ademais, tamén criticou que "os colectores de lixo estean até arriba", polo que, ao seu xuízo, "dan moi mala imaxe" aos turistas.
