SANTIAGO DE COMPOSTELA, 12 Jul. (EUROPA PRESS) -
A compravenda de vivendas subiu un 5% o pasado maio en Galicia en comparación a este mesmo mes do 2018, até sumar 1.536 operacións, segundo datos que publica este venres o Instituto Nacional de Estatística (INE), recollidos por Europa Press.
De todas elas, a gran maioría (1.218) tratáronse de vivendas de segunda man, mentres que as novas tan só foron 318. Ademais, 1.466 son inmobles libres, mentres que 70 correspóndense coa modalidade de vivenda protexida.
Así, as compravendas seguiron na Comunidade galega unha evolución superior á de toda España, onde subiu un 1,1%. Ademais, as 1.536 operacións supoñen un cociente de 70 por cada 100.000 habitantes.
O total de leiras transmitidas inscritas nos rexistros alcanzou as 8.565 en Galicia, un 1,9% menos que 12 meses atrás e o que representa un cociente de 391 por cada 100.000 habitantes.
En concreto, foron 2.217 rústicas, 1.060 delas por herdanza, 673 por compravenda, 22 doazóns e 43 permutas. As urbanas alcanzaron as 6.348 transaccións: 3.355 vivendas, 171 solares e 2.822 doutro tipo; a maior parte do global por compravenda (3.032), fronte a 1.463 herdanzas, 77 doazóns e 21 permutas.
