SANTIAGO DE COMPOSTELA, 16 Abr. (EUROPA PRESS) -
A Consellería de Medio Rural informou de que xa está controlado o incendio forestal rexistrado no concello pontevedrés de Crecente.
Concretamente, o lume deuse por controlado ás 20.06 horas deste martes. O incendio empezou este luns ás 19,57 horas en até tres focos simultáneos, o que apunta a intencionalidade. Segundo as últimas estimacións, afecta a unha superficie de case 170 hectáreas.
Polo momento, traballan na zona tres técnicos, 28 axentes, 51 brigadas, 23 motobombas, dúas pas, dous avións e catro helicópteros.
