cia" class="NormalTextoNoticia" itemprop="articleBody">
SANTIAGO DE COMPOSTELA, 12 Abr. (EUROPA PRESS) -
Axentes da Policía Nacional detiveron a Félix Vidal Anido, coñecido como o 'violador do estilete', por supostamente intentar agredir unha muller nun edificio de Lugo.
Fontes da Policía Nacional da cidade confirmaron a detención deste home, pero non concretaron as circunstancias nas que se produciu.
Félix Vidal Anido saíu do cárcere asturiano de Villabona o pasado mes de decembro, tras ser derrogada a chamada doutrina Parot. Foi condenado a 70 anos de prisión por varias violacións, dúas delas, cometidas en Lugo no ano 1987, moi violentas.
Dende que saíu de prisión, este home trasladouse á casa dos seus pais, cos que vivía, no municipio lucense de Pol. O alcalde, Lino Rodríguez, sinalou que ata agora se comportara de forma "normal" e lamentou o acontecido. "É un día triste para Pol porque volveu suceder", dixo e pediu deixar actuar á Xustiza.
