LUGO, 25 Jun. (EUROPA PRESS) -
Axentes da Policía Local de Lugo detiveron a un home de idade avanzada por "tocamentos" a unha menor na cidade luguesa após ser denunciado pola nai.
Segundo informou a Policía Local de Lugo, axentes municipais procederon a deter sobre as 20,30 horas deste luns a un home de idade avanzada como presunto autor dun delito de abuso sexual.
Os feitos ocorreron, relataron as mesmas fontes, nas inmediacións da Ponte Romana de Lugo, onde unha muller denunciou que o individuo realizara "uns tocamentos" nas partes íntimas da súa filla menor idade.
A menor identificou "claramente" ao presunto autor do feito, destacaron as mesmas fontes policiais, polo que foi detido e conducido a dependencias policiais. As dilixencias instruídas foron remitidas ao xulgado de garda.
