SANTIAGO DE COMPOSTELA, 12 Ago. (EUROPA PRESS) -
Un home de 41 anos, S.E.C., foi atropelado este mércores en Arteixo (A Coruña) mentres cruzaba por un paso de peóns.
Segundo informa a Garda Civil, o home, un cámara da TVG que cruzaba para preguntar por unha dirección, foi atropelado por un automóbil conducido por un ancián de 87 anos.
O accidente produciuse diante do cuartel da Garda Civil de Arteixo, polo que foi auxiliado por axentes ata que chegaron dúas unidades do 061.
O ferido foi trasladado ao hospital da Coruña (Chuac) e sofre fracturas en tibia, peroné e un nocello.
O condutor deu negativo na proba de alcol e asegura que non viu a esta persona cruzar. Instrúe dilixencias a Policía Local de Arteixo.
