SANTIAGO DE COMPOSTELA, 27 Feb. (EUROPA PRESS) -
O operativo de busca do patrón do 'Marsua J', pesqueiro afundido este luns nas proximidades de Cíes, retirouse sen éxito e sen novidades cando se cumpren catro días da súa desaparición e do accidente que se cobrou a vida doutro mariñeiro que lle acompañaba no barco.
Segundo informaron a Europa Press fontes de Salvamento Marítimo, a 'Corvo Mariño' da Garda Civil estivo relevou ao 'Río Guadalope' nas tarefas de procura durante a tarde, ademais da 'Valentín Paz Andrade' de Gardacostas e de efectivos de Protección Civil de Val Miñor.
O rastrexo por mar e aire centrouse na zona exterior das Illas Cíes e na interior destas, sobre todo no corredor entre as dúas illas, área coñecida como Freu da Porta. As tarefas están coordinadas desde o Centro de Salvamento Marítimo de Vigo.
Os restos do 'Marsua J', así como o cadáver dun dos seus tripulantes, foi atopado quilla ao sol entre as illas Norte e Sur de Cíes na tarde do luns.
