As persoas accedían por unha porta lateral do establecemento, que tamén permitía acceder ás vivendas
FERROL, 30 Mar. (EUROPA PRESS) -
Axentes da Policía Nacional localizaron o pasado sábado, día 28, un establecemento de hostalaría en Ferrol cunha terraza interior na que se atopaban varios clientes a pesar da prohibición contemplada coa declaración do estado de alarma.
En concreto, foron varias as dotacións da Comisaría de Ferrol-Narón as que se trasladaron ao local, situado na estrada de Castela, na zona de Fajardo, en Ferrol, despois de ter constancia de que o que alí sucedía.
Segundo fontes consultadas por Europa Press, os clientes utilizaban unha porta lateral do establecemento, pola que tamén podía accederse ás vivendas situadas sobre o local, para entrar no seu interior. Ademais, utilizaban un contrasinal.
Tanto o propietario como os clientes foron identificados e agora será a Delegación do Goberno a que imporán a sanción económica que estime oportuna.