LUGO, 13 Abr. (EUROPA PRESS - 9
Un home de 55 anos faleceu na tarde deste venres na localidade lucense de Pantón, tras chocar o turismo que conducía contra un camión.
Segundo a información do CIAE 112-Galicia, o suceso tivo lugar ás 18,30 horas deste venres no quilómetro 543 da N-120, ao seu paso pola parroquia de Atán.
De inmediato, solicitouse a colaboración de Urxencias Sanitarias de Galicia-061, dos Bombeiros de Monforte de Lemos, da Garda Civil de Tráfico e dos servizos de mantemento da estrada. Ao mesmo tempo, o persoal sanitario comunicou a mobilización do helicóptero medicalizado con base en Ourense.
Unha vez no punto, os bombeiros empregaron o seu material de excarceración para liberar ao condutor do turismo, que quedara atrapado e cuxo falecemento foi finalmente confirmado polos servizos sanitarios. A colisión motivou que a estrada permanecese cortada mentres duraba o operativo.
