SANTIAGO DE COMPOSTELA, 28 Nov. (EUROPA PRESS) -
Un home de idade avanzada faleceu na tarde deste sábado no municipio coruñés de Cedeira (A Coruña) ao envorcar o motocultor que manexaba cando realizaba unha manobra marcha atrás.
O suceso, segundo fontes dos efectivos de emerxencia, tivo lugar minutos antes das 17,30 horas deste sábado no lugar de Os Edreiros, situado na parroquia de Esteiro.
A vítima faleceu ao quedar atrapado debaixo do vehículo cando realizaba unha manobra marcha atrás. Até o lugar desprazáronse os efectivos de Urxencias Sanitarias e os servizos de emerxencia, que non puideron facer nada pola vida do home.