Publicado 21/09/2020 09:52CET

Morre unha moza tras chocar o seu coche contra un muro en Nigrán (Pontevedra)

   PONTEVEDRA, 21 Sep. (EUROPA PRESS) -

   Unha moza de 30 anos de idade veciña de Vigo faleceu este luns nun accidente de tráfico rexistrado ao perder o control do vehículo e encaixarse contra o muro dunha vivenda no municipio de Nigrán (Pontevedra).

   Segundo os datos facilitados pola Garda Civil a Europa Press, tivo coñecemento deste sinistro sobre as 00,50 horas sucedido no quilómetro 7,800 da estrada PO-552 que une Vigo e Tui ao seu paso por Nigrán.

   O vehículo no que viaxaba a moza que faleceu perdeu o control e encaixouse contra o muro dunha vivenda e un sinal informativo, confirmaron as mesmas fontes.

   Para liberar á única ocupante do vehículo, relatou o 112 Galicia, foi necesaria a intervención de equipos de salvamento e excarceración.

   O 112 indicou que ás 00,30 horas deste luns un particular alertou do que pasaba, o que levou a activar un operativo integrado por profesionais de Urxencias Sanitarias de Galicia-061, así como polos Bombeiros de Baixo Miño e membros do GES de Val Miñor que, finalmente, levaron a cabo a excarceración.

   Ademais, comprobaron o estado do vehículo e descartaron que ardese como apuntaban algunhas das persoas que chamaron ao 112 Galicia para avisar tres o accidente regostrado na estrada de Camposancos, ao seu paso pola parroquia de Priegue.

Lo más leído

  1. 1

    Sean Connery muere a los 90 años de edad

  2. 2

    La última venganza de Isa Pantoja a su prima, Anabel Pantoja, que le ha dejado alucinada

  3. 3

    Muere Sean Connery a los 90 años: Sus 10 películas imprescindibles

  4. 4

    La Xunta ordena el cierre perimetral de todas las ciudades, donde solo podrán reunirse convivientes

  5. 5

    Sindicato de Estudiantes pide suspender las clases presenciales y un plan de rescate a la educación pública