SANTIAGO DE COMPOSTELA, 2 Abr. (EUROPA PRESS) -
A Secretaría Xeral para o Deporte anunciou que o recoñecemento que acredita o alto rendemento e que finaliza este ano para algúns deportistas, prorrogarase seis mes en Galicia.
Así o recollerá o Diario Oficial de Galicia (DOG) nos próximos días despois de que este departamento da Xunta tomase a decisión, xunto ao sector deportivo galego co que traballa "man a man" na xestión desta pandemia desde o seu ámbito.
A extensión do recoñecemento implica tamén a extensión de todos os beneficios que leva aparellados, destacou a Secretaría Xeral para o Deporte nun comunicado este xoves.
Ademais, no mes de maio a Escola Galega do Deporte porá en marcha o bloque común das actividades de formación deportiva, na modalidade a distancia, coa colaboración da Unión de Federación Deportivas Galegas (Ufedega).
No que respecta á resolución das competicións deportivas autonómicas suspendidas e que dependen das federacións, o secretario xeral deste departamento, Lete Lasa, escoitou as dúbidas dos representantes e ten o obxectivo de "tomar unha decisión conxunta que favoreza a todo o tecido deportivo galego" nas próximas reunións, pero están pendentes da resposta do Consejo Superior de Deportes para as competicións de ámbito estatal.