VIGO, 3 Sep. (EUROPA PRESS) -
O Foro de Xefes de Servizo do Complexo Hospitalario Universitario de Vigo (Chuvi) afirmou este xoves que o falecemento dunha muller con 'aspergillus' na UCI do hospital Álvaro Cunqueiro se debeu á "evolución natural da súa enfermidade", e descartaron que se infectase co fungo nas instalacións do novo hospital.
Os xefes de servizo avalaron así, a través dun comunicado, a versión ofrecida este xoves polo xerente da EOXI de Vigo, Félix Rubial, quen desmentiu "rotundamente" que "algún paciente falecido" contraese aspergillus no novo hospital da cidade.
"As circunstancias clínicas de base e o tempo de ingreso no hospital Álvaro Cunqueiro permiten descartar a sospeita de que a infección fose adquirida nese hospital", manteñen estes profesionais.
Finalmente, no comunicado, o Foro de Xefes de Servizo reitera o seu "compromiso" coa poboación da área sanitaria de Vigo de "manter a calidade e, sobre todo a seguridade, da atención sanitaria".
