OURENSE, 26 Mar. (EUROPA PRESS) -
Un incendio que presenta dous focos permanece activo na parroquia de Santigoso, no municipio ourensán do Barco de Valdeorras, e afecta a unha superficie superior ás 20 hectáreas, segundo informa a Consellería de Medio Rural.
Este lume únese ao que se iniciou o luns pola noite en Dodro (A Coruña) e que se estendeu a Rianxo, que calcinou sobre 850 hectáreas e no que permanece decretado o nivel 2 pola proximidade das chamas a núcleos de poboación.
Pola súa banda, quedaron extinguidos os incendios dos municipios coruñeses de Lousame e de Noia, que queimaron entre os dous 77 hectáreas, das cales 71 corresponden a monte arborado e seis a monte raso. Tamén este martes quedaron extinguidas as chamas nas Pontes, onde arrasaron 21,9 hectáreas.