VIGO, 15 Ago. (EUROPA PRESS) -
Centenares de persoas acudiron na mañá deste luns festivo á parroquia viguesa de Valladares para levar a cabo a tradicional procesión da Virxe do Alba.
Así, a celebración comezou xa ás 08,30 horas, cando se oficiou a primeira misa na igrexa parroquial. A partir de aí, os devotos saíron coa imaxe da Virxe ao carricho até o Monte Alba.
Após hora e media de empinado percorrido, amenizado coa música da charanga 'Vaite Xa' e do grupo de gaitas 'Traspés', os máis de medio milleiro de asistentes conseguiron alcanzar a cima, onde levaron a cabo varios actos relixiosos na capela, que continuarán á longo do día.
Valladares repetirá procesión o próximo 24 de agosto, en honra a San Bartolomeu. Este Santo será recibido pola Virxe do Alba na capela, levándose a cabo o tradicional saúdo e as poxas de animais domésticos.
Xa o 8 de setembro, ambas as imaxes volverán á igrexa parroquial na procesión de baixada, que se realizará en horario de tarde.
