OURENSE, 17 Feb. (EUROPA PRESS) -
O xurado da XIV edición do Premio Clara Campoamor, que concede a concellaría de Igualdade do Concello de Ourense, acordou por unanimidade conceder este galardón á Rede Galega contra a Trata e a María Antonia Rilo.
Este premio, que busca recoñecer o fomento da igualdade de xénero, valora o labor da Rede Galega contra a Trata de coordinación e sensibilización entre os axentes sociais para combater esta problemática de explotación sexual de mulleres e menores.
Pola súa banda, a proposta da Federación de Asociacións Veciñais Limiar, recoñécese o "relevante" traballo de Rilo desde a esfera pública e privada en defensa dos dereitos das mulleres como impulsora do plan de igualdade no Concello de Ourense.