SANTIAGO DE COMPOSTELA, 8 Oct. (EUROPA PRESS) -
A reserva dos encoros galegos baixou ao 60,5 por cento da súa capacidade na última semana, segundo os datos feitos públicos este martes polo Ministerio para a Transición Ecolóxica.
Este retroceso explícase pola perda de máis de 50 hectómetros cúbicos dos encoros de Miño-Sil e os 8 que caeron os da demarcación Galicia Costa (441).
Así, a reserva en Miño-Sil baixa ao 59,8 por cento, cando era do 61,8 por cento a semana anterior. queda en 1.812 hectómetros cúbicos sobre unha capacidade total de 3.030. Con todo, está por encima da cantidade do ano anterior por estas datas (1.629 hectómetros cúbicos) e da media da última década (1.628).
No tocante a Galicia Costa, atópase en 441 hectómetros cúbicos (449 na semana anterior). Tamén é máis que hai un ano (394) e que a media dos últimos 10 anos (386).
