VIGO, 23 Abr. (EUROPA PRESS) -
Efectivos dos corpos de seguridade proseguiron á primeira hora deste luns o dispositivo de busca dun pescador portugués que o pasado sábado caeu ao Río Miño no termo municipal de Melgaço, fronte ao municipio pontevedrés de Arbo.
Así o trasladaron a Europa Press fontes da Guardia Civil, que colabora na busca con efectivos despregados por terra. O dispositivo está a ser coordinado pola Garda Nacional Republicana (GNR).
Ademais, a Unidade Operativa de Drons da Axencia Galega de Emerxencias (Axega) prevé durante a mañá deste luns sumarse á busca do home desaparecido no Río Miño o pasado sábado. Tamén, está previsto que esta tarde se somen ao operativo os Bombeiros de Baixo Miño.
Desde primeiras horas do domingo a Axega, a través do CIAE 112 Galicia, activou o protocolo de colaboración transfronteiriza en caso de emerxencia (ARIEM112) para tratar de localizar á persona na parte portuguesa do Miño.
O home, de 67 anos de idade, permanece desparecido desde as 23,00 horas do pasado sábado, cando se atopaba pescando na localidade portuguesa limítrofe con Galicia de Albaredo.
