SANTIAGO DE COMPOSTELA, 17 Ene. (EUROPA PRESS) -
Os servizos de emerxencia cortaron o paso peonil e o carril de circulación máis próximo ao paseo marítimo da Coruña pola forte ondada que afecta o litoral durante a tarde.
Nun principio, o corte afectou á zona entre o Instituto Oceanográfico e a rotonda da rúa Regata Cutty Sark.
Posteriormente, decidiuse ampliar as restricións na enseada de Pelamios, e desde a rotonda Regata Cutty Sark até o cruzamento coa rúa Veramar e a circunvalación de Durmideiras.
Tamén quedou cortado ao tránsito de peóns a zona entre o obelisco Millenium e o edificio de Facenda, ademais dos accesos á cúpula do Matadoiro e ao Aquarium Finisterrae. O operativo de emerxencias recomenda, ademais, precaución na zona das Escravas.
