SANTIAGO DE COMPOSTELA, 27 Ene. (EUROPA PRESS) -
Uns descoñecidos trataron de roubar na madrugada deste luns na gasolineira situada no centro urbano de Coirós (A Coruña), tras romper un das súas ventás.
En concreto, a alarma do establecemento soou ás 1,47 horas e, ao persoarse no lugar unha patrulla da Garda Civil, comprobaron que romperan unha ventá que dá acceso á oficina da estación de servizo. Os feitos quedaron rexistrados no sistema de videovixilancia e contribuirán á identificación dos autores dos danos.
Segundo os empregados da gasolineira, os asaltantes buscaban diñeiro na oficina, pero non puideron facerse con nada, xa que no establecemento non queda diñeiro en efectivo tras o peche.
Dáse a circunstancia de que, hai dúas semanas, uns descoñecidos tamén tentaron acceder ao interior das oficinas da gasolineira, aínda que sen conseguilo. Días atrás produciuse outro intento de roubo nunha estación de servizo da A-6 no mesmo municipio.
O alcalde de Coirós, Francisco Quintela, indicou que existe preocupación na zona por estes roubos, que xeraron "inseguridade nos veciños".