SANTIAGO DE COMPOSTELA, 13 Oct. (EUROPA PRESS) -
Tres varóns faleceron na mañá deste sábado en Valdoviño (A Coruña) ao sufrir unha saída de vía co vehículo no que viaxaban e acabar impactando contra un muro de formigón, segundo informou a Garda Civil de Tráfico.
O accidente tivo lugar ao redor das 11,15 horas no quilómetro 880 da estrada AC-556, que une Cedeira e Valdoviño. O tres ocupantes do coche, todos homes, viaxaban sen cinto de seguridade nun Audi A3 do ano 2001 que se saíu da vía e acabou batendo contra un muro. Non houbo máis vehículos implicados.
A consecuencia do impacto, os ocupantes saíron despedidos do vehículo e faleceron no acto. Polo momento só puido identificarse a unha das vítimas, veciño de Cedeira e nado no ano 1981.
Os corpos serán agora trasladados ao Hospital Naval de Ferrol, onde se lles practicará a autopsia e a proba de alcol e drogas.
