SANTIAGO DE COMPOSTELA, 2 Oct. (EUROPA PRESS) -
A directora xeral de Formación e Emprego, Ana María Díaz, destacou que Galicia leva "case un ano con descensos interanuais" do paro rexistrado, despois do dato de setembro, cando aumentou un 0,53% respecto a agosto pero baixou un 8,64% en relación co mesmo mes de 2013.
Tras pechar Galicia o noveno mes do ano con 238.303 desempregados, Ana María Díaz puntualizou que setembro "sempre ten un comportamento moi estacional".
De aí que fixera fincapé en analizar as cifras "desestacionalizadas, como a evolución interanual". A este respecto, Galicia rexistrou a décimo primeira baixada interanual consecutiva do número de parados. Ademais, sinalou que o retroceso deste mes é "o maior de todos ata o momento".
Trátase, engadiu, do mellor comportamento interanual dun mes de setembro de toda a serie histórica (con datos dende 1996) en termos absolutos. En termos relativos, é o mellor setembro dende 1999, segundo apuntou a titular de Emprego.
Este comportamento, segundo resaltou a directora xeral, "confirma a tendencia progresiva da mellora do mercado laboral". "Galicia remata setembro con menos parados dos que había no mesmo mes dos anos 2013 e 2012", finalizou.
