Comeza a construcción da Casa de Asociacións de Servizos Sociais de Santiago, que estará en Salgueiriños

SANTIAGO DE COMPOSTELA 25 Abr. (EUROPA PRESS) -

O alcalde de Compostela, Xosé Sánchez Bugallo, acompañado da concelleira de Benestar Social, Adelaida Negreira, inauguraron hoxe a posta en marcha da construción do edificio que servirá para atender as necesidades de todos os composteláns en materia social.

A Casa do Asociacionismo, que se vai construír en Salgueiriños, terá como obxectivo acoller a ONLs de acción social de Santiago de Compostela, é dicir, organizacións non lucrativas relacionadas coas áreas de actuación dos Servizos Sociais Municipais.

Este edificio, que terá tres niveis e organizarase en dúas alas, vai ser o centro de referencia para todas as entidades de iniciativa social que colaboran co Departamento de Servizos Sociais e aquelas que contribúen á mellora da calidade de vida dos cidadáns de Santiago de Compostela a través da súa acción social.

Na Casa, as asociacións terán á súa disposición un equipamento básico para desenvolver as súas actividades e poñer en marcha proxectos de intervención social. Ademais, este espezo será un xeito de satisfacer as necesidades sociais da cidadanía de Compostela, xa que desenvolverá un modelo de cooperación intersasociativa que permitirá que as ONLs traballen con maior eficacia e eficiencia.