VIGO, 24 Oct. (EUROPA PRESS) -
A industria auxiliar afectada pola crise de Barreras acordou unanimemente dar "un paso adiante" para desbloquear a situación e negociará con Pemex (accionista maioritario da empresa a través da súa filial PMY) para "tomar o control" do estaleiro, ben mediante a súa entrada no accionariado ou ben mediante a cesión de dereitos políticos para ter "capacidade de decidir".
Así o trasladaron en rolda de prensa os representantes da plataforma de auxiliares acredoras, o letrado Alberto Rocha e o secretario xeral de Asime, Enrique Mallón, quen explicaron que PEMEX mostrou "boa disposición" ante esta vía.
As auxiliares expoñen constituírse en sociedade para iniciar a negociación e, como paso previo, remitirán a Pemex a próxima semana "unha carta de intencións" sobre a folla de ruta a seguir, que podería pasar por intercambiar parte da débeda que Barreras ten con elas (máis de 25 millóns de euros) por accións.
