Un total de 26 marcas participan o luns en Santiago na VIII cata das augardentes de Galicia

Europa Press Galicia
Actualizado: viernes, 7 julio 2006 22:08
Seguir en

SANTIAGO DE COMPOSTELA 7 Jul. (EUROPA PRESS) -

A Consellaría do Medio Rural celebra o vindeiro luns día 10 a VIII Cata das Augardentes de Galicia, na que participan 26 marcas pertencentes a 21 empresas de toda a comunidade.

Na organización deste concurso colabora o Consello Regulador da Denominación Xeográfica das Augardentes e Licores Tradicionais de Galicia. As augardentes participantes serán sometidas á análise sensorial realizada por un panel de 7 catadores, na chamada Cata de Selección. Os expertos avaliarán factores como a limpeza e a cor da augardente; ou a intensidade, finura, harmonía ou persistencia do seu sabor e olor.

O nome das empresas galardoadas non se darán a coñecer ata o día 14 de xullo durante o xantar de entrega de premios, que terá lugar no Balneario de Mondariz na vila pontevedresa do mesmo nome.

Contenido patrocinado