Ganaderos Uníos reparten lleche y corten el tráficu n'Uviéu pa exixir al Gobiernu la intervención sobre los precios

Actualizado 16/07/2009 15:55:33 CET

UVIÉU, 16 de Xunetu (EUROPA PRESS)

Miembros de Ganaderos Uníos, agrupación creada al marxe de los trés sindicatos agrarios (Asaxa, COAG y UCA) repartió güei de baldre 3.000 lliltros de lleche nel Paséu Los Álamos d'Uviéu, amás de cortar demientres un bon ratu'l tráficu d'esta vía.

Tratábase d'una protesta pa exixir la intervención de l'Alministración en favor del pagu d'unos mayores precios pola lleche a los productores, recordando que, les industries tán pagando la materia a este 22 y 25 céntimos, menos la Central Llechera Asturiana, que lo fai a 30. Esta cifra ye'l mínimu exixible pa "dir tirando en tiempos de crisis", según esplicó'l presidente de Ganaderos Uníos, José Pedro. Sicasí, matizó que sólo 1.600 de los 2.700 ganaderos de lleche qu'hai nesti momentu n'Asturies producen pa la Central.

"Los políticos tienen que defendemos, que pa eso los votamos; ellos son los que tienen ferramientes abondo pa intervenir a les industries y grandes superficies, sobre esos precios que mos tán pagando, que nun son aceptables, que mos lleven a la ruina", exixó.

Pa informar d'estes cuestiones a la ciudadanía, instalaron un puestu nel Paséu Los Álamos, ante la plaza de La Escandalera, dende'l que se repartía lleche de baldre en cartones blancos de Ganaderos Uníos, al tiempu que s'esplicaben les sos principales reivindicaiones.

Posteriormente, los ganaderos ellí presentes decidieron cortar la carretera, llanzando contra l'asfaltu dellos cartones de lleche, a la voz, dalgunos d'ellos, de 'val más tirala que vendela'. Nun se produxo nengún incidente.

Al traviés d'un comunicáu, acusaron a los políticos de "mirar pa otru llau", porque "el sector agrariu en xeneral nun-yos importa". También atacaron a los sindicatos agrarios (COAG, UCA y Asaja), que "lleven trés años representándomos illexítimamente, pues ésti ye'l tiempu que fai que debíen celebrase elecciones sindicales".

CONSUMIR LLECHE ASTURIANO

Al traviés d'una pancarta, Ganaderos Uníos encamentó a la población que consuma lleche producío n'Asturies, pa combatir así la invasión de productos estranxeros.

L'agrupación culpa del descensu de precios a la invasión de lleche "foriato, principalmente de Francia y Portugal, a baxu preciu, mui perbaxo del coste de producción, distorsionando d'esta manera'l mercáu y faciendo que les nueses esplotaciones se vuelvan inviables".

Por esti motivu, José Pedro esplicó que "los cartones tienen que llevar una marca 'Q', certificando la trazabilidá de la lleche, pa que se diferencie la española de la francesa".

  • Viernes, 24 de Enero
 

Lo más leído

  1. 1

    El BOPA publica la convocatoria de canales de TDT, que premia l'usu del asturianu y na que resta l'esoterismu

  2. 2

    Asturies reivindícase en Fitur como la capital quesera del mundu en 2020

  3. 3

    Cuesta (Cs) anima a los críticos a presentase a les primaries y dexar de llau comentarios "que perxudiquen al partíu"

  4. 4

    Fernández (PP) cree más razonable que nun haya congresu y Xénova tome una decisión pal so relevu na Presidencia

  5. 5

    Barbón y Maroto coinciden na necesidá d'algamar un Pactu d'Estáu pola industria y reformar la normativa

La actualidad más visitada en EuropaPress logo: La actualidad más vista