UVIÉU, 30 Sep. (EUROPA PRESS) -
La conseyera de Derechos Sociales y Bienestar y portavoz del Gobiernu, Melania Álvarez, mostró esti vienres el "respetu dafechu" del Executivu hacia la situación interna que vive'l PP asturianu y manifestó que "ta segura de que nun va suponer una interferencia" nes negociaciones pa poder algamar o non un alcuerdu presupuestariu.
"Dende'l gobiernu respetamos los procesos internos de les demás organizaciones como nos gusta que respeten les nuestres. Asina que nun vamos facer nenguna valoración nesi sentíu", indicó al ser preguntada pola decisión de Teresa Mallada de dar un pasu a un llau y arrenunciar a presentase al Congresu autonómicu.
Sobre la posibilidá de qu'esi relevu na dirección del PP pueda camudar el camín de les negociaciones presupuestaries que yá principió la selmana pasada, Álvarez indicó que "perriba de les persones tán les organizaciones" y añadió que nel PSOE y nel Gobiernu "nun dulden de la responsabilidá del PP pa siguir cola negociación".
"Van cambiar personar pero eso nun va suponer una interferencia pa qu'algamemos o non un alcuerdu", dixo la portavoz del Gobiernu asturianu.
