UVIÉU, 14 Nov. (EUROPA PRESS) -
El secretariu xeneral de Podemos, Pablo Iglesias, defendió que n'Asturies si se fala asturianu pa posicionase contra'l presidente del PP, Pablo Casado, qu'esti martes criticó que'l PSOE pretendiera oficializar esta llingua cuando "naide la fala".
"Pablo Casado nun quier velo, pero n'Asturies #fálaseasturianu. Defender la riqueza cultural del nuestru país pasa per defender y protexer toles sos llingües", escribió'l líder de Podemos nun comentariu na so cuenta de Twitter recoyíu por Europa Press.
Les palabres d'Iglesias prodúcense depués de que'l presidente de los 'populares' criticara n'Almería'l tratu que quier dar el PSOE a les llingües oficiales y censurara que los socialistes n'Asturies pretendan oficializar "el bable que naide fala".
