UVIÉU, 3 May. (EUROPA PRESS) -
El responsable de Derechos Llingüístiques de Podemos Asturies, Lluis Miguel Orviz, afirmó que la oficialidá "va ser una realidá" y que agora lo "importante" ye falar d'un modelu "a l'asturiana". Un modelu que, según él, nun tien que dexar a naide fuera, "nin a los que la usen nin a los que non, al marxe d'ideoloxíes y banderes".
Al traviés d'una nota de prensa, Orviz indicó que "tamos nun momentu históricu" y que la oficialidá "tamos tocándola coles manes". Por eso, señaló que "ye tiempu de dexar de llau los reproches y garantizar a los asturianos los mesmos derechos que se reconocen n'otres comunidaes onde'l PSOE y PP nun ponen dificultá nenguna".
Asina, esplica que la responsabilidá de definir un "modelu de consensu" va ser de los partíos políticos en diálogu cola sociedá civil. Nesi sentíu, califica de "llexítimes" les reticencies d'una parte de la sociedá a la puesta en marcha de la oficialidá, dalgo que según Orviz los políticos "tamos na obligación de resolver".
"Hai actuaciones concretes y bien cencielles que nos diben permitir dar pasos pa evitar la desaparición de la llingua, y una de les fundamentales ye dotar al idioma d'un marcu xurídicu afayadizu que, según la Constitución Española, nun ye otru que'l reconocimientu de la cooficialidá", afirmó.
P'acabar, dende Podemos Asturies mostraron el so apoyu a la manifestación pola oficialidá qu'entama esti vienres n'Uviéu la Xunta pola Defensa de la Llingua Asturiana y al actu institucional de l'Academia de la Llingua Asturiana nel Teatru Campoamor.
A esos actos van dir los diputaos asturianos nel Congresu Sofía Castañón y Segundo González, y los diputaos na Xunta Xeneral Héctor Piernavieja y Andrés Fernández Vilanova, amás del diputáu y secretariu xeneral de Podemos Asturies, Daniel Ripa.
