UVIÉU, 14 Nov. (EUROPA PRESS) -
El portavoz del Gobiernu y conseyeru de Presidencia y Participación Ciudadana, Guillermo Martínez, refugó opinar sobre les palabres del presidente del PP, Pablo Casado, qu'esti martes criticó que'l PSOE pretendiera oficializar la llingua asturiana cuando "nun la fala naide". Con too, el númberu dos del Principáu recordó la postura contraria a la oficialidá del Executivu.
"Desconozo que conocencies tien Pablo Casado en relación a la oficialidá, pero la postura del Gobiernu asturianu ye bien conocida y eses declaraciones nun la faen variar pa nada. Creo que nun merecen nengún tipu de comentariu pol Gobiernu", respondió Martínez énte les entrugues de los medios na rueda de prensa d'esti miércoles posterior al Conseyu de Gobiernu.
Les palabres del númberu dos del Executivu autonómicu prodúcense depués de que'l presidente de los 'populares' criticara n'Almería el tratu que quier dar el PSOE a les llingües oficiales y censurara que los socialistes n'Asturies pretendan oficializar "el bable que naide fala".
