Actualizado 27/11/2008 13:43 CET

Los trabayadores de Naval Xixón vuelven cortar el tráficu con barricaes de neumáticos en llames

"Ye la única manera de que nun s'olviden de nós", dicen dende la plantiya

XIXÓN, 27 de Payares (EUROPA PRESS)

Los trabayadores de Naval Xixón volvieron cortar güei'l tráficu sobre la Plaza Maximino González con delles barricaes de neumáticos en llames como protesta pola situación qu'atraviesa l'astilleru.

En declaraciones a la prensa'l representante de CSI nel Comité d'Empresa Balbino Cano apuntó que la pretensión de pesllar l'astilleru ye "descarada", dao que la factoría podía continuar cola so actividá porque "tolos astilleros del Estáu tienen barcos".

Nesti sen afirmó que se tata d'un "zarru planificáu por Pymar, la Direición de Naval Xixón y el conseyeru d'Industria Graciano Torre".

Amás denuncia que'l comité d'emrpesa revisando la documentación resentada pola puesta en marcha del Espediente de Regulación d'Emplegu alcontró con que falten los informes económicos de los exerciios del 2005, 2006 y 2007 cuestión que foi puesta en conocencia de la Direición Xeneral d'Emplegu anque ésta tovía nun contestó, pese a que ta obligada a valorala.

Nesti puntu Cano señaló que los cargos de directores xenerales son cargos de confianza de los conseyeros y que nesti casu concretu'l conseyeru d'Industria y Emplegu, Graciano Torre, "manifestóse públicamente sobre la necesidá de que Naval Xixón pieslle, polo tanto'l Director Xeneral pue tar cayendo nuna situación de prevaricación y de dolu". Asina, Cano, dexó claro que "si ye necesario llegar al xulgáu pa denunciar esta situación vamos facelo".

Pela so parte, el representante de CC.OO nel Comité d'Empresa de Naval Xixón, Santiago Escosura, calificó la situación que vive l'astilleru de "desesperante y d'insegura" porque la empresa "nun aporta soluciones y quier empobinamos a un ERE qu'amás incumple".

Escosura recordó que los trabayos fixos nel astilleru son 98 anque ente emplegos directos y indirectos si l'astilleru llegta a pesllar van ser sobre 1.000 families afeutaes.

El representante de CC.OO calcó amás en que "lo triste ye que nun tenemos barcos, anque ye una época de bonanza pa la construcción naval y tol mundu ta saturáu de trabayu".

En cuanto a les protetes y cortes de tráficu Escosura dexó claro que "a naide-y fai gracia tener que salir a la cai a molestar", anque calcó en que "ye la única manera de que nun s'escaezan de nós". Precisamente en cuanto al calendariu de movilizaciones los operaciones adelantaron que la selmana que vien van protagonizar nueves protestes.

Asturianu ofrecido por